У першае пасляваеннае пяцігоддзе ў Драгічынскім раёне разгарнулася буйнамаштабная палітыка па аднаўленні ўсіх сфер жыцця. У 1949 г. вёска Осаўцы (Восаўцы) стала цэнтрам калектыўнай гаспадаркі — арцелі «Ленінскі шлях». У наступныя гады калгас значна пашырыўся за кошт уваходжання ў яго склад тэрыторый суседніх вёсак. Узбуйнены калгас атрымаў назву ў гонар ХХ з’езда КПСС, які адбыўся ў 1956 г.